Deklaratat e Omar Mugharbel, CEO i Saudi Pro League, kampionat futbolli saudit ku aktualisht luajnë lojtarë të nivelit të Cristiano Ronaldo dhe Neymar Junior.
Në intervistën e dhënë për të përdtishmen spanjolle AS në Jedah, vendi ku do të zhvillohet këtë të diel në mbrëmje finalja e Superkupës së Spanjës mes Barcelona-s dhe Real Madrid-it, ka zbuluar se një emër i madh mund të merret në merkato:
“Klubet tona kanë atë që duhet për të tërhequr zhvilluar dhe ushqyer një talent të tillë. Kështu që të presim dhe të shohim se çfarë do të ndodhë”.
Një nga emrat më interesantë është ai i Vinicius, ylli brazilian i Real-it që është kërkuar më shumë se një herë nga Al Ahli verën e kaluar:
“Sa e rëndësishme do të ishte ta kishim Vinin këtu? Kemi yje të tjerë të ngjashëm me atë këtu. Është aspekti sportiv, për të përmirësuar cilësinë e skuadrave, strukturat dhe dinamikat. Është edhe shikueshmëria më e madhe që do të krijonte.
“Yjet e mëdhenj kanë një vlerë të madhe komerciale. Natyrisht që ndihmojnë në rritjen e kampionatit. Është shumë e rëndësishme në aspektin sportiv, por edhe për sa i takon shikueshmërisë dhe vlerës komerciale”.
A është Saudi Pro League gati për të bindur një lojtar si Vinicius?
“Janë Benzema, Cristiano, por Vinicius është një koncept tjetër”, ka deklaruar CEO i kampionatit saudit. “Ai është vetëm 24 vjeç. Kemi klube të ndryshëm në nivele të ndryshme. Ka grada pjekurie të ndryshme.
“Kjo ndodh në të gjithë kampionatet e botës. Ka skuadra që mund të tërheqin lojtarë të atij niveli dhe të tjera që duhet akoma të zhvillohen më shumë.
“Dhe nëse gjykoj atë që kemi sot, klubet tona kanë atë që duhet për të tërhequr, zhvilluar dhe ushqyer një talent të tillë. Kështu që presim dhe shohim çfarë ndodh me Vinicius”.
