Mesfushori i Manchester Cityt, Ilkay Gundogan, ka lavdëruar mbrojtësin e Barcelona-s, Pau Cubarsi, teksa ka folur për kohën e tij në klubin katalanas.
34-vjeçari iu bashkua Barçës në vitin 2023 nga Citizens në një transferim me kosto zero. Ai kaloi një vit në Camp Nou para se të kthehej te kampionët e Premier League.
Koha e tij me Barçën ishte plot me momente të jashtëzakonshme, siç zbuloi ai në The Ranveer Show.
Gundogan gjithashtu pati mundësinë të luante dhe të stërvitej së bashku me disa nga të rinjtë më të talentuar të klubit katalanas, duke përfshirë mbrojtësin adoleshent Pau Cubarsi.
Duke folur për qendërmbrojtësin 17-vjeçar, Ilkay Gundogan tha:
“Para se Cubarsi të luante me ekipin e parë, e shikoja në stërvitje dhe ishte e qartë se ishte shumë i talentuar.
“Isha i befasuar sepse nuk e njihja kur u bashkua, mendova se ishte 20 ose 21 vjeç sepse dukej i pjekur dhe kishte një personalitet të fortë dhe vendimet e tij ishin si ato të një lojtari 25-vjeçar.
“Po flisja me një nga asistentët e Xavi dhe ai më tha se ishte vetëm 17 vjeç dhe atëherë u trondita!”.
Gundogan luajti 51 ndeshje gjatë një viti te Barça, duke shënuar pesë gola dhe duke dhënë 14 asiste.
