Sulmuesi i Barcelonës, Robert Lewandowski, është shprehur shumë i lumtur pas fitores kundër Real Madridit.
Barcelona mbrëmë deklasoi Realin me rezultat 2-5, duke fituar trofeun e Superkupës së Spanjës.
Sulmuesi polak, i cili shënoi një gol në fitoren e katalonasve, pas ndeshjes tha se skuadra e tij bëri një paraqitje mjaft të mirë.
“Luajtëm shumë mirë në pjesën e parë, ndërsa 30 minutat e fundit, me një lojtar më pak, ishin më të vështira. Por fitorja është shumë e rëndësishme,” tha Lewandowski.
“Ndeshjet kundër Realit gjithmonë janë të gjalla, sidomos kur luhet një finale. E rëndësishme është se si do të luajmë në ndeshjet e ardhshme. Nga nesër do të përgatitemi për sfidën e radhës,” shtoi sulmuesi polak.
