Juventus ka mbyllur transferimin e parë të merkatos së janarit.
Pas disa ditësh negociata, drejtori sportiv Giuntoli ka mbyllur marrëveshjen me Vitoria Guimaraes për mbrojtësin e djathtë Alberto Costa.
Mbrojtësi 22-vjeçar, i cili pëlqehej edhe nga Sporting CP, do të veshë menjëherë fanellën bardhezi, duke forcuar skuadrën e trajnerit Thiago Motta.
Transferimi u mbyll pasi Juventus i pagoi klubit portugez afërsisht 13 milionë euro, plus dy të tjera në bonus.
Alberto Costa mbërrin po sot në Torino, ku do të nënshkruajë një kontratë që do ta lidhë me klubi bardhezi deri në vitin 2029. Ndërkohë, nga Juventus do të largohet Danilo, që pret ta zgjidhë në mënyrë konsensuale kontratën.
