Morali te Manchester City është në rritje pas tri fitoreve të fundit, dy në Premier League (Leicester dhe West Ham) dhe një në FA Cup (Salford).
Duket sikur skuadra e trajnerit Pep Guardiola ka gjetur rrugën që kishte humbur edhe pse duket jashtë luftës për titull.
Citizens janë ende duke synuar kualifikimin në fazën tjetër të Champions League, ndërkohë që sot do të luajnë në fushën e Brentford në kampionat.
Trajneri Pep Guardiola, u shpreh: “Ne kemi fituar tre ndeshje radhazi, ndërkohë që ishte e pamundur të fitonim një!”
“Tani kemi fituar tre dhe kjo na ndihmon edhe pse është ende herët për të folur për rikuperimin.
Duhet të presim për të parë se kush jemi në të vërtetë. Gjendja është më e mire dhe sot kemi një ndeshje jashtëzakonisht të vështirë”, shtoi trajneri spanjoll.
Duke folur për merkaton, ai komentoi: “Ajo që pres është skuadra me të cilën kemi filluar sezonin. Pres që disa nga lojtarët e dëmtuar të kthehen. Gjithjsesi, ne kemi shumë probleme në mbrojtje. Kjo është arsyeja pse klubi po mendon se ne mund ta bëjmë këtë transferim”.
