Andi Hadroj u largua nga Partizani për të nisur një aventurë të re në Ukrainë. Skuadra më e re e djaloshit shqiptar është tashmë FC Polissya Zhytomyr që sapo ka prezantuar ish-in e “demave të kuq”.
“Andi Hadroj është transferimi i tretë i dimrit Polissy. Pozicioni kryesor i shqiptarit është mbrojtësi i djathtë. Hadroj e nisi karrierën profesionale në klubin e futbollit Laçi. Nga ku u transferua te FC Bylis Ballsh ku luajti 3 vite dhe si agjent i lirë u transferua te Partizani në janar të vitit 2022.
Në sezonin aktual, Hadroj kaloi 12 ndeshje për skuadrën nga Tirana, në të cilën dha 2 asiste. Andi u thirr në kombëtaren e Shqipërisë, për të cilën kaloi 2 ndeshje në duele miqësore. Ardhja e tij në Polissya premton të shtojë thellësi dhe konkurrencë në vijën mbrojtëse të skuadrës.
Kontrata me lojtarin pritet 3 vite. Mirë se erdhe Hadroj në pako!”, shkruhet në faqen zyrtare të ukrainasve.
Nga ky transferim, Partizani mbushi arkat e klubit me 150 mijë euro, të paguara nga Polissya Zhytomyr për kartonin e 25-vjeçarit..
