Trajneri i Liverpool, Arne Slot, e konsideron si të rëndësishëm pikën e marrë dje në fushën e Nottingham Forest.
Madje ai e quan si të jashtëzakonshme lojën e skuadrës së tij në pjesën e dytë, duke arritur të barazojë rezultatin ndaj një rivali direkt në kreun e Premier League.
“Nuk mund të kisha kërkuar më shumë nga ekipi. Pjesa e dytë ishte e jashtëzakonshme.
Nuk ka shumë skuadra që mund të krijojnë kaq shumë raste kundër një ekipi kaq të fortë në mbrojtje.
Fatkeqësisht, ne nuk mundëm të shënonim dot edhe golin e dytë”, u shpreh Slot.
“Nëse mund të vazhdojmë të bëjmë paraqitje si ajo që treguam në pjesën e dytë, nuk do të jemi gjithmonë aq të pafat për të barazuar. Portieri i tyre bëri disa pritje të jashtëzakonshme, ndërsa mbrojtësit e tyre penguan disa goditje në portë”, shtoi trajneri i “reds”.
“Luajmë shumë dhe pushojmë pak, ndaj nuk do t’i konsideroja si dy pikë të humbura ndaj një rivali të tillë. Nuk mund të fitojmë gjithnjë e dimë këtë gjë”, tha Slot. Nottingham Forest është ekipi i vetëm që ka mundur Liverpool në Premier League këtë sezon.
