Goli i shënuar dje nga Theo Hernandez kundër Como e lejoi atë të bëhet mbrojtësi më “pjellor” në historinë e Milanit, duke kaluar idhullin e tij Paolo Maldini.
Francezi publikoi një postim pas ndeshjes në Instagram, duke festuar momentin historik të arritur:
“Fitore e madhe e skuadrës. I lumtur që arrita 30 gola me Milanin dhe bëra histori me këtë fanellë. Më fal Paolo Maldini”.
Përgjigja e ish-menaxherit të kuqezinjve nuk mungoi, duke uruar ish-lojtarin e Real Madridit, të cilin e bindi në vitin 2019 të pranonte projektin e “Djallit” direkt nga Ibiza, ku futbollisti ishte me pushime.
