Futbollisti Xherdan Shaqiri dhe FC Baseli festojnë fitoren me rezultat 3:0 ndaj Schaffhausen-it në ndeshjen e dytë dhe të fundit miqësore.
Xherdan Shaqiri ndoshta nuk do të luajë kurrë për vetë FC Rapperswil-Jona.
Vendimi i tij që u publikua dje si aksionar i ri i klubit të ligës së tretë, la pa fjalë të gjithë.
Megjithatë, si aksionari i ri i klubit nuk e sheh veten si një investitor të heshtur në sfond, ka shkruar mes të tjera mediumi zviceran “Blick”.
“Rappi është klubi i përsosur për të marrë një vështrim në fushën e menaxhimit”, tha golashënuesi më i mirë i FC Baselit të mërkurën pas fitores 3:0 në miqësoren kundër Schaffhausenit.
Shaqiri gjithashtu bëri të ditur se ai nuk e sheh domosdoshmërisht të ardhmen afatgjatë të Rapperswil në Ligën e Promotion - të nivelit të tretë.
“Do të bëjmë një analizë se ku duam të shkojmë me klubin”, tha Shaqiri.
Shaqiri ka një miqësi të gjatë me presidentin e Rappit, Rocco Delli Colli. Pasi klubi i Zvicrës Lindore njoftoi në fillim të vitit se do të sillte si konsulentë vëllain e Shaqirit, Erdinin dhe partnerin e tij të biznesit, Arbër Sakiri, profesionisti i FC Baselit tani po bën një investim financiar.
Megjithatë, ai nuk dëshiron të bëjë publike se sa e madhe është pjesa e tij.
Shaqiri tregon se paraprakisht i është dashur të sqarojë çështje të ndryshme ligjore.
Së fundi, si një lojtar aktiv për një klub zviceran, ekziston rreziku i një konflikti interesi. Ai kishte marrë edhe më parë dritën e gjelbër nga FC Baseli.
Mirëpo, Shaqiri në të ardhmen e afërt nuk do të shihet rregullisht në Rapperswil. “Për momentin jam plotësisht i fokusuar te Baseli”, premton ai.
