Është gati që të rikthehet përsëri me Abissnet Superiore, e cila luan javën e 21-të.
Të shtunën do të mbahen dy takime. Gjithçka do të nisë me sfidën mes Laçit dhe Bylisit, e cila do të mbahet në Kurbin në orën 13:30.
Ndërsa në orën 16:30 në “Arenën Kombëtare”, Tirana pret Egnatian.
Të dielën do të zhvillohen 3 ndeshjet e tjera. Në Korçë dhe Durrës do të luhet paralelisht në orën 16:30. Skënderbeu pret Vllazninë në Korçë, ndërsa Partizani viziton Durrësin për të sfiduar Teutën.
Dueli i fundit do të jetë mes Dinamos dhe Elbasanit, përballje që do të zhvillohet në “Elbasan Arena” në orën 19:30 dhe që premton të jetë mjaft e luftuar.
Të gjitha takimet vijnë për publikun shqiptar nëpërmjet ekranit të Radio Televizionit Shqiptar.
