Do të luhen këtë fundjavë ndeshjet e javës së 19-të të Kategorisë së Parë.
Kjo javë nis ditën e shtunë me sfidën Pogradeci-Flamurtari, që do të luhet në orën 13:30 dhe do të transmetohet drejtpërdrejt në RTSH 2.
Të dielën do të luhen 5 takimet e tjera të kampionatit, të gjitha në orën 13:30.
Kryesuesit e Vorës i pret një transfertë e vështirë në “Roza Haxhiu”, aty ku do të masin forcat me vendasit e Lushnjës.
Besa do të presë në Rrogozhinë Erzenin e vendit të fundit, duke synuar rikthimin te fitorja, ndërsa Kastrioti do të përballet me Kukësin. Korabi do të presë në shtëpi Valbonën. Burreli i vendit të katërt do të përballet me Apoloninë.
