Lamine Yamal është një realitet i bukur i futbollit ndërkombëtar dhe askush nuk mund ta parashikojë kufirin e tij. Tashmë, edhe pse vetëm 17 vjeç, i ka thyer të gjitha pritshmëritë dhe është forca kryesore e Barcelonës së Flick. Në këtë kuadër, Neymar, i cili dikur ishte në vendin e tij, nuk hezitoi ta mbështeste publikisht në një postim të Lamine Yamal në Instagram.
Barça mundi Betisin në 1/8 finale të Kupës së Mbretit dhe shfaqi lojë të shkëlqyer në sfidat e Superkupës.
Pothuajse asgjë nuk mundi të bënte ekipi i Pellegrinit, që u mund në mënyrë të thellë nga katalanasit.
Një nga protagonistët kryesorë të kësaj performance fantastike ishte Lamine Yamal, i cili zhvilloi ndeshje të shkëlqyer dhe e pasqyroi këtë me shifra: një gol dhe një asistim. Por, më shumë se sa ajo që u regjistrua në aktin e gjyqtarit, diamanti i Barcelonës vazhdoi të ishte lojtari që shpik mundësi aty ku nuk ka.
Për shkak të shpërthimit të tij të jashtëzakonshëm, Yamal ka tërhequr vëmendjen e emrave më të mëdha të futbollit botëror, Tashmë, disa prej tyre kanë “vënë bast” për talentin e yllit të Barcelonës, pa guxuar të vendosin limite për evolucionin e tij. Neymar, i cili është një tifoz i njohur i Barcelonës, ishte i fundit. Në një postim të Lamine Yamal në Instagram, pas ndeshjes me Betis, 17-vjeçari e shoqëroi fotografinë nga fusha me një këngë braziliane. Lojtari i tanishëm i Al-Hilal në Arabinë Saudite nuk hezitoi ta komentonte: “Je shumë brazilian. Çfarë ylli!”
Dihet për të gjithë se Lamine Yamal ka një pasion të madh për Neymar. “19” i Barcelonës ka festuar shumë herë në mënyrën e brazilianit. Me botën e futbollit në duar, kampioni i fundit europian me Spanjën po konfirmohet si një nga më të mirët, nëse jo më i miri në pozicionin e tij. Në kategoritë e të rinjve ka treguar talent dhe superioritet të jashtëzakonshëm, por mbërritja e tij në elitën më të lartë e bën atë një nga kandidatët kryesorë për të fituar “Topin e Artë” në disa vite.
