Jo më shumë se 3 ditë më parë, Vora njoftoi afrimin e ri në skuadër Emir Skënderin.
Me ardhjen e sulmuesit maqedonas në skuadrën kryesuese në Kategorinë e Parë duket se nuk ka vend për sulmuesin tjetër.
Dijar Nikqi nuk është më pjesë e ekipit “blu”.
Këtë e ka konfirmuar vetë Vora përmes një postimi në rrjetet e tyre sociale ku njoftojnë largimin e djaloshit 20-vjeçar nga skuadra.
“Futboll Klub Vora njofton largimin e lojtarit Dijar Nikqi. Klubi dhe lojtari kanë shtrënguar duart në fundin e këtij rrugëtimi. Falenderojmë Nikqin për kontributin e tij dhe i urojmë suksese në të ardhmen e tij.”, shkruan Vora.
