Dështimi spektakolar i Realit të Madridit ndaj Barcelonës në finalen e Superkupës së Spanjës (2-5) ka shkaktuar një tërmet brenda klubit dhe ka mpirë atmosferën e mirë që frynte në Valdebebas.
Përmirësimi i përjetuar në javët e fundit të vitit që lamë pas dhe nisjes me fitore në Valencia (3 janar) shkoi në ferr në Arabinë Saudite në një “El Cásico” që ekspozoi edhe një herë mangësitë kolektive dhe individuale të “Los Blancos”.
Kritikat po intensifikohen ndaj Ançelotit, lojtarëve por edhe ndaj klubit, pasi një sektor i rëndësishëm i madrilenëve konsideron se planifikimi sportiv ka qenë shumë i mangët, duke marrë parasysh mangësitë që kishte skuadra.
Siç ka bërë me dije “Cadena Cope”, trajneri zhvilloi dje një takim në Valdebebas me drejtorin e përgjithshëm të klubit të bardhë dhe krahu i djathtë i Florentino Pérez, Hoze Angel Sançez.
Në tavolinë, analiza e humbjes së Realit në Xhedah dhe shkaqet e paraqitjes së dobët të skuadrës në pothuajse të gjitha ndeshjet e rëndësishme të sezonit.
