Sipas raportimeve, Arsenali është i përgatitur të aktivizojë klauzolën e lirimit prej 83 milionë £ (rreth 98 milionë euro) të sulmuesit të Sportingut, Viktor Gyokeres, këtë muaj pas dëmtimit të Gabriel Jesus.
Topçinjtë po kërkojnë të forcojnë sulmin e tyre, me Mikel Arteta që shtyn për disa lëvizje në janar.
Sulmuesi suedez ka qenë në formë të shkëlqyer për Sporting që kur u transferua atje në vitin 2023, duke shënuar 75 gola dhe duke dhënë 21 asiste në 80 ndeshje për klubin deri më tani.
Ai ka tërhequr interes nga një mori klubesh europiane, duke përfshirë Manchester United dhe Arsenal.
Raportet fillimisht sugjeruan se Topçinjtë ishin të dëshpëruar për të nënshkruar me të, por hezitonin për të paguar klauzolën e tij të lirimit.
Megjithatë, sipas gazetës franceze L’Equipe, Topçinjtë nuk ngurrojnë më të paguajnë shumën pasi kërkojnë të forcojnë skuadrën e tyre.
E përditshmja franceze shton se klubi është gjithashtu i interesuar për yllin e Newcastle, Alexander Isak dhe sulmuesin e Lille, Jonathan David.
