Trajneri i Liverpool, Arne Slot, shprehet se është i lumtur që ka një ekip që mund të konkurrojë me rivalët e Premier League edhe pa kryer shpenzime më të mëdha në merkato.
Kontrata nëntëvjeçare e gjysmë e nënshkruar nga Erling Haaland me Manchester City të premten, e cila raportohet të jetë me vlerë 500,000 stërlina në javë për sulmuesin norvegjez, ishte një kujtesë e fuqisë financiare që kanë disa klube në Angli.
Kjo është në kontrast me situatën aktuale të Liverpool me tre nga yjet e tyre kryesorë: Mohamed Salah, Virgil van Dijk dhe Trent Alexander-Arnold, pa kontratë në verë. Paga e tyre e kombinuar javore vlerësohet në 750,000 stërlina.
“Nuk është vetëm ky klub, pasi edhe Chelsea gjithashtu shpenzon 1.2 miliardë stërlina. Edhe Manchester United shpenzon një shumë të jashtëzakonshme. Çdo ekip shpenzon shumë parà këtu, prandaj është një Ligë kaq interesante për të qenë pjesë, kaq intensive dhe kaq të vështirë për t’u fituar”, tha Slot.
“Kjo është arsyeja pse ne duam të jemi këtu, të konkurrojmë kundër më të mirëve, me më të mirët. Ne jemi shumë të lumtur me ekipin që kemi për momentin dhe jemi ende në gjendje të konkurrojmë me të gjitha ekipet që po shpenzojnë shuma të jashtëzakonshme parash”, tha Slot.
