Skënderbeu është skuadra që në thuajse në çdo merkato bën shitje mjaft të rëndësishme, me klubin që fiton kështu financiarisht shuma të parezistueshme. I radhës që me shumë gjasa do të shitet jashtë gjatë kësaj merkatoje është Ermir Rashica.
Sulmuesi është një pikë kyçe dhe shumë e rëndësishme për eskuadrën korçare, por tashmë drejtuesve u ka ardhur një ofertë tunduese për shërbimet e tij. Sipas shtypit të shkruar bëhet me dije se për Rashicën një skuadër ukrainase ka hapur “thesin”.
800 mijë euro është oferta në tavolinën e Skënderbeut e bërë nga skuadra e Metalist Kharkiv. Tek këto të fundit vetëm pak ditë më parë është transferuar një tjetër lojtar i Superiores, Cristian Mba.
Rashica do të luajë ndeshjen e fundit me Skënderbeun, teksa do të zbresë në fushë kunder Vllaznisë, ditën e nesërme. Menjëherë pas kësaj sfide do të udhëtojë drejt Ukrainës për të kopsitur të githa detajet e këtij transferimi dhe për të bërë edhe vizitat mjekësore, pasi marrëveshja mes klubeve është arritur..
