Thiago Motta synon të hakmerret për humbjen në Superkupë dhe të kapërcejë krizën e barazimeve që ka prekur Juventusin e tij. Kundër Milanit, ai kërkon tri pikë thelbësore për zonën e Champions League.
Lidhur me situatën e Kolo Muani: “Jam shumë i lumtur për ardhjen e tij. Është një lojtar interesant për ne në këtë moment. Po presim procedurat burokratike për zyrtarizimin e tij. Nëse gjithçka shkon mirë, do të jetë me grupin. Nëse jo, do të presim ndeshjen e ardhshme.
Sa i përket formacionit: “Vlahovic është rikuperuar, por Conceiçao jo. Cambiaso dhe Di Gregorio do të luajnë”.
Gjendja e skuadrës dhe Alberto Costa: “Skuadra është mirë, lojtarët janë rikuperuar dhe po përgatitemi për ndeshjen kundër Milanit. Alberto është shumë mirë, ka sjellë energji dhe entuziazëm. Do ta ndihmojë skuadrën”.
Rotacioni i portierëve: “Perin nuk mundi të marrë pjesë në stërvitje për një situatë. Shpresojmë që të shtunën të jetë me grupin. Di Gregorio do të jetë portieri titullar ndaj Milanit. Jam shumë i kënaqur me të tre portierët tanë, por në këtë moment Michele po luan më shumë dhe jam i kënaqur me paraqitjet e tij”.
Si ndryshon Milani pa Morata: “Po flasim për lojtarë të nivelit të lartë, të mësuar me ndeshje të mëdha. E rëndësishme është që të jemi të përgatitur për të bërë një ndeshje të madhe”.
Përmirësimi fizik i Juventusit: “Skuadra ka qenë gjithmonë mirë nga ana fizike. Gjithsesi, kemi pasur disa situata të vështira për t’u menaxhuar. Djemtë po i shoh gjithmonë në formë”.
Kolo Muani dhe Vlahovic së bashku: “Të gjithë lojtarët e mirë mund të luajnë së bashku”.
Rezultatet dhe kritikat për barazimet: “Ne nuk jemi të kënaqur me rezultatet dhe as me renditjen. Duam të jemi në majë dhe punojmë çdo ditë për fitoren, që është objektivi ynë. Ndeshja kundër Milanit është një mundësi e madhe, kemi bërë përgatitje të mira për ta fituar atë”.
Lojtarë të paprekshëm: “Kam kërkuar që disa lojtarë të mos shiten, por m’i kanë shitur (qesh)”.
Objektivi Champions League: “Duam të qëndrojmë në zonën Champions, kemi një mundësi të madhe kundër Milanit. Do të kërkojmë fitoren nga minuta e parë”.
