Bylis ka triumfuar në transfertë përballë Laçit në sfidën e vlefshme për javën e 21 të Superiores.
Ndeshja që u zhvilluar në stadiumin e Kurbinit, përfundoi 0-3 në favor të miqve. Pas kësaj sfide ka folur trajneri fitues, Nevil Dede.
“Perfeksion s’ka kurrë.
Për mua si trajner lojtari i ndeshjes ishte portieri. Loja mund të merrte rrjedhë tjetër. Komplimente kundërshtarit pasi luajti deri në fund pavarësisht gjithçkaje.
Mos të harrojmë kemi luajtur 120 minuta në mesjavë.
Mund ta mbyllnim ndeshjen shumë më shpejt me situatat e pjesës së parë, por edhe të dytës.
Marku ishte i lodhur dhe nga ndeshja e Kupës. Po vuante realisht ishte në kohëvonesë. Por me këshillat e pushimit, ai bëri shumë më mirë në pjesën e dytë. Tregoi cilësitë dhe kualitetin e tij në fushë. Është në një moshë të re dhe nuk është mësuar me intensitetit e këtij lloji
Kur Laçi ishte agresiv dhe donte topin e parë ne kishim marrë masat me Malomon dhe Ruçin. Interpretimi i skuadrës ishte i mirë.
Përqëndrimi në Kupë apo kampionat? Të jem i sinqertë përpara Kupës doja të bëja rotacion, por duke pasur besim te cilësitë e lojtarëve, vendosa të mos e bëja. Ne duhet të respektojmë veten tonë dhe futbollin. Nuk ndodh gjë e madhe nëse luan çdo 3 ditë.
Sot treguam që ndihemi mirë ku përballë ishte një ndeshje shumë e fortë. Nuk është i vërtetë rezultati 3-0”, është shprehur Nevil Dede.
