Bylis ka triumfuar në transfertë përballë Laçit në sfidën e vlefshme për javën e 21 të Superiores.
Ndeshja që u zhvilluar në stadiumin e Kurbinit, përfundoi 0-3 në favor të miqve.
Pas kësaj sfide ka folur trajneri i kurbinasve, Francesco Moriero.
“E dija që do të ishte një ndeshje e vështirë.
Neve na mungon 4-5 lojtarë titullarë. Deri dje Manellari ka qenë me 38.5 temperaturë.
Nuk më pëlqen të flas për këto gjëra pasi s’janë pjesë e futbollit.
Është e vërtetë që Bylis ishte superior përballë nesh. Nuk është çështje taktike apo te vrapimi i djemve të ekipit, por kur të mungojnë shumë lojtarë fatkeqësisht bëhet e vështirë.
Vendosa të bëja ato lëvizje, ndoshta edhe kam gabuar.
Sepse të komentosh pas ndeshjes është shumë e lehtë. Ishim në vështirësi. Kush e vesh këtë bluzë duhet ta nderojë, sepse kemi një klub shumë të mirë”, është shprehur Francesco Moriero.
