Juventusi ka fituar me shifrat 2-0 ndaj Milanit dhe ka bërë një hap të rëndësishëm para në luftën për të siguruar një vend në katërshen e kreut.
Meritë e lojës ofensive të bardhezinjve, por edhe fazës mbrojtëse ku ekipi ruajti rrjetën e paprekur.
Dhe ndaj Milanit, duket se Juventusi e ka të thjeshtë të mos pësojë gol në Serinë A. Faqet e specializuara të statistikave bëjnë të ditur se në ndeshjen e sotme u vendos një rekord i ri për kampionatin.
Falë kësaj ndeshje, Juventusi vendosi rekordin e ri për duelet ndaj Milanit, pasi regjistroi ndeshjen e katërt radhazi pa pësuar gol. Hera e fundit që Milani i ka shënuar gol Juventusit në kampionat ishte në majin e vitit 2023, kur fitonte 1-0 dhe rrjetën e tundte Olivie Zhiru.
