Katër nga ndeshjet e javës së 19 të Kategorisë së Parë janë mbyllur këtë të shtunë.
Befasi e madhe ishte fitorja e Erzenit në transfertën e Besës me rezultatin 2-3. Shijakasit korrën kështu fitoren e parë ndaj skuadrës që kërkon ngjitjen në Superiore.
Vora vazhdon marshimin drejt elitës. Kryesuesit e Kategorisë së Parë mposhtën Lushnjën me rezultatin 1-3.
Fitore minimale, 1-0, mori Kastrioti kundër Kukësit dhe Apolonia në transfertën e Burrelit.
Katër skuadra që fituan kështu mes emocioneve dhe 11 golave të shënuar. Nesër është për t’u luajtur Pogradeci-Flamurtari dhe Korabi-Valbona.
