Siç u zbulua nga The Athletic të premten e kaluar, Alphonso Davies ka vendosur të rinovojë kontratën e tij me Bayern Munich.
SkySport Germany dha detaje të tjera, duke konfirmuar se mbrojtësi i majtë kanadez duhet të nënshkruajë një kontratë të re me bavarezët deri në vitin 2030 brenda pak ditësh, me një pagë rreth 15 milionë euro në sezon, pa përfshirë bonuset dhe shpërblimin në momentin e nënshkrim.
Ky është një lajm i mirë për Bayern Munich, i cili rrezikonte të humbiste një nga lojtarët kryesorë të ekipit.
Nga ana tjetër, është një zhgënjim për Real Madridin, i cili kishte shpresuar të siguronte nënshkrimin e Davies, 24-vjeçarit kanadez, i cili do të ishte pa kontratë në qershor.
Pak muaj më parë bënë bujë disa deklarata të kanadezit, duke sugjeruar një lamtumirë nga Gjermania brenda një kohe të shkurtër, gjë që nuk ndodhi kurrë.
“Pas stërvitjes nuk kam çfarë të bëj dhe jam gjithmonë vetëm. Familja ime është në Kanada dhe e dashura ime nuk jeton në Mynih.
“Kam pesë miq dhe kur të mbaroj ata janë ende duke punuar. Ndihem si një humbës i suksesshëm”.
Ndoshta paga e re do ta ndihmojë atë të pastrojë mendjen nga mendimet negative.
