Alexander-Arnold sipas të gjitha gjasave do të jetë lojtari i Real Madrid sezonin e ardhshëm.
Mbrojtësi anglez është në muajt e fundit të kontratës me Liverpool dhe nuk ka pranuar rinovimin, dëshira e tij është të veshë fanellën e “Los Blancos”.
Anësori do të largohet si lojtar i lirë, por Real-it i duhet të paguajë Liverpool-it 18 milionë euro që janë bonuset e transferimit dhe komisionet përkatëse, nisur nga ajo që raportojnë mediat spanjolle.
Alexander-Arnold konsiderohet si një nga mbrojtësit e djathtë më të mirë në botë dhe largimi i tij do të lërë një boshllëk të madh te klubi i kuq. Në Madrid, anglezi do të jetë pasuesi ideal i Dani Carvajal që ka mbuluar krahun e djathtë për shumë sezone te Real-i.
