Liverpool ka një lojtar në radhët e tij që tani vlen 50 herë më shumë sesa shuma që paguan për të në vitin 2022 – dhe ai po tërheq interes nga disa klube të Premier League.
Më herët këtë muaj, Liverpooli refuzoi ofertat nga Ipswich Town dhe Crystal Palace për anësorin adoleshent Ben Doak, i cili aktualisht është i huazuar për një sezon të plotë te Middlesbrough në Championship.]
Lojtari i Liverpoolit tani vlen 50 herë më shumë sesa para tre vitesh
Liverpool ka një lojtar në radhët e tij që tani vlen 50 herë më shumë sesa shuma që paguan për të në vitin 2022 – dhe ai po tërheq interes nga disa klube të Premier League.
Më herët këtë muaj, Liverpooli refuzoi ofertat nga Ipswich Town dhe Crystal Palace për anësorin adoleshent Ben Doak, i cili aktualisht është i huazuar për një sezon të plotë te Middlesbrough në Championship.
Skocezi 19-vjeçar, ka qenë një nga lojtarët më të spikatur të Middlesbrough këtë sezon nën drejtimin e Michael Carrick, duke u paraqitur në 22 nga 27 ndeshjet e mundshme të ligës.
Crystal Palace raportohet se ka bërë një ofertë prej 16 milionë paundësh për Doak, ndërsa Ipswich ka paraqitur një ofertë prej 15 milionë paundësh – të dyja më të ulëta se vlerësimi i Liverpoolit.
Sipas një raporti nga The Times, Liverpooli beson se vlera e tij është = afër 30 milionë paundëve. Në klubin e Anfield, ka bindje se Doak mund të rikthehet në të ardhmen dhe të luftojë për një vend të rregullt në formacionin titullar të Liverpool.
Doak u bashkua me Liverpoolin nga Celtic në vitin 2022 për një shumë të raportuar prej 600,000 paundësh dhe është vlerësuar lart nga klubi.
Vetëm një vit pasi nënshkroi kontratën e tij të parë profesionale, Doak nënshkroi një marrëveshje afatgjatë me Liverpoolin pasi bëri gjashtë paraqitje nën drejtimin e Jurgen Klopp.
Klopp ka folur me superlativa për adoleshentin. “Djalë i veçantë. Shumë i sigurt në vetvete,” tha gjermani. “Ai ka diçka që askush tjetër nuk ofron, këtë lloj driblimi, këtë lloj guximi të drejtpërdrejtë, të gjitha këto gjëra”.
Më herët këtë muaj, Carrick u pyet nëse Doak dëshiron të qëndrojë te Middlesbrough.
“Është e vështirë për mua ta përgjigjem këtë. Sigurisht që i përshtatet në shumë aspekte,” tha ai.
“Nuk mund të mohoj që disa gjëra janë jashtë kontrollit tonë, por jam shumë i qetë dhe i kënaqur. Shpresoj që të gjithëve të na përshtatet dhe Ben të qëndrojë me ne. Jemi në një vend të mirë dhe është një vend i mirë për të”.
