Kriza e muajve të parë ka kaluar për Kylian Mbappe, që javët e fundit është kthyer në lider dhe protagonist për Real Madrid, duke shënuar thuajse në çdo ndeshje. Sulmuesi francez e shpreh këtë moment të mirë edhe në deklaratën e tij para ndeshjes së sotme në Champions League ndaj Salzburg.
“Qëllimi im është të përmirësohem në çdo ndeshje, kështu që shpresoj që ndeshja e sotme të jetë edhe më e mirë. Kam besim në aftësitë e mia dhe te shokët e mi. Unë dua më shumë nga vetja”, u shpreh sulmuesi francez.
“Mendova shumë për kritikat e marra duke dhënë më të mirën.
Unë jam lloji i lojtarit që ka nevojë për këtë presion.
Kjo është normale kur luan për një klub si Real Madrid, ndjenja se duhet të japësh gjithmonë më shumë. Unë jam lloji i lojtarit që ka nevojë për këtë presion”, shtoi Mbappe.
“Tani kam ndryshuar. Në Madrid duhet të luash gjithmonë mirë dhe tani jam gati, jam më mirë. Ishte faji im dhe i askujt tjetër. Është gjithmonë një ëndërr të dëgjosh tifozët të këndojnë emrin tënd. Unë jam shumë i lumtur.
Taniu të vazhdojmë me këtë ritëm sa më gjatë të jetë e mundur për trofetë”, tha Kylian Mbappe.
