“Unë luaj me Messin, por CR7 më lumturon”.
Nëse do t’i kërkonit Alejandro Garnacho të prezantohej me pak fjalë, sulmuesi biond i Manchester United ndoshta do të përgjigjej kështu.
Kush e di nëse dhe si do të prezantohet para tifozëve të Napolit…
Vetëm një gjë është e sigurt sot: lojtari i lindur në vitin 2004 është zgjedhja e parë e Antonio Conte për të mbushur boshllëkun e madh të lënë nga largimi i Kvaratskhelia.
I rritur në sistemin e të rinjve të Atletico Madridit, Garnacho u transferua te Manchester United në vitin 2015. Ishte Cristiano Ronaldo, i pari që krijoi bujë rreth emrit të tij, duke i dhënë topin e ndeshjes së “hat-trick” kundër Norwich në prill 2022. Në këmbim, portugezi mori vlerësimin e fansit të tij përmes rrjeteve sociale. “Më i madhi i të gjitha kohërave”, – shkroi Garnacho si diciturë për atë foto të publikuar me krenari të skajshme.
“Nuk ke luajtur ende me Messin”, – ishte përgjigja e bashkatdhetarit të tij, Sergio Kun Aguero.
E thënë kjo herët, sepse pasi pushtoi skuadrën e parë të “Djajve të Kuq” me gola, lojëra dhe festime spektakolare (të gjithë e kujtojnë atë goditje të jashtëzakonshme ajrore kundër Evertonit), talenti i lindur në Madrid ka fituar edhe fanellën e Albiceleste.
Gjithçka është shumë e bukur, por Manchester United i Amorim sot duket se ka plane të tjera. Garnacho, simboli i dualizmit të përjetshëm mes Lionel Messit dhe Cristiano Ronaldos, mund të bëhet edhe më i madh në stadiumin që mban emrin e një tjetër bashkatdhetari të tij të madh, Maradona.
