Napoli ka ndërprerë bisedimet për Alejandro Garnacho, ndërsa Chelsea ka bërë një ofertë për Manchester United, duke zhvendosur tashmë fokusin e tyre te Karim Adeyemi i Borussia Dortmund.
Napolitanët kanë nevojë të gjejnë një zëvendësues për Khvicha Kvaratskhelia, i cili u shit te Paris Saint-Germain për 70 milionë euro plus bonuse gjatë merkatos së janarit.
Ata ishin në negociata të avancuara me Manchester United për Garnacho, por e konsideruan çmimin prej 70-80 milionë eurosh tërësisht të paarritshëm në rrethanat aktuale.
Disa burime nga Anglia raportojnë se Chelsea është i gatshëm të plotësojë atë vlerësim, duke shtuar kështu një arsye tjetër për vendimin e Napolit për t’u tërhequr nga lojtari argjentinas.
Gjatë një prezantimi libri sot, presidenti i Napolit, Aurelio De Laurentiis, u pyet për Garnacho dhe u përgjigj: “Kush mund të më garantojë se ai do të shënojë 20 gola?”
Tani fokusi i tyre është plotësisht te Adeyemi, i cili, sipas Sky Sport Italia, ka biseduar drejtpërdrejt me trajnerin Antonio Conte për ta bindur për transferimin.
Çmimi i kërkuar nga Borussia Dortmund është më afër 45-50 milionë euro, që është shumë më brenda buxhetit të Napolit.
Adeyemi sapo mbushi 23 vjeç javën e kaluar, mund të luajë në krahun e majtë, të djathtë ose si sulmues qendror dhe deri tani këtë sezon ka kontribuar me pesë gola dhe pesë asistime në 13 ndeshje zyrtare.
