Megzon Visoka është emëruar trajner i skuadrës nga Liga e Parë, FC Besa Peja.
Lajmin e ka bërë të ditur FC Besa përmes një njoftimi në Facebook.
”Pas përvojave të suksesshme si trajner i dëshmuar në klube si Vllaznimi, Drenica, Flamurtari dhe Ferizaji, tash është koha që ai t’i bashkohet klubit tonë.
Në një qytet ku tradita dhe ngjyrat e verdhë e zi janë pjesë e identitetit, FC Besa Peja mirëpret Megzon Visokën si pjesë të familjes sonë.
Me vizionin e tij të qartë dhe përkushtimin ndaj futbollit, ne besojmë se do të sjellë energji të reja në këtë qytet që jeton dhe frymon për futbollin", - thuhet në njoftim.
Kujtojmë që Megzon Visoka në fillim të sezonit mori drejtimin e KF Drenicës, ku u largua në muajin tetor.
