E nesërmja është një ditë mjaft vendimtare për rrugën për titull kampion në kampin e Napolit.
Ekipi i Antonio Contes pret në “Maradona” Juventusin në ndeshjen e vlefshme për javën e 22-të të kampionatit.
Në prag të këtij takimi, napolitanët bëhen me dhimbje koke për shkak të një mungese.
Bëhet fjalë për mbrojtësin anësor Mathias Olivera që do të mungojë në takimin e nesërm.
Sipas mediave italiane, gjatë stërvitjes së djeshme mbrojtësi uruguaian ka pësuar një lëndim muskulor. Ndërsa sot, Olivera i është nënshtruar testeve mjekësore që treguan një dëmtim të përmendur pak më lart.
Tashmë 27-vjeçari ka nisur procesin e rehabilitimit dhe padyshim që ka humbur takimin e nesërm. Në krahun e majtë të mbrojtjes, Conte pritet të aktivizojë Leonardo Spinazzolën, një ish-lojtar i Juventusit.
