Ndeshja e fundjavës mes Borusia Dortmund dhe Werder Bremen, do të jetë e fundit e Karim Adejemit si futbollist i “kanarinave”.
Anësori i sulmit gjerman, po bëhet gati të transferohet në Serinë A, ku e pret krahëhapur Napoli.
Antonio Konte kërkonte futbollistin gjerman si përforcim për ekipin e tij pas shitjes së Kvaratskhelia te PSG dhe duket se klubet kanë gjetur akordin për transferimin.
Eksperti i merkatos, Fabricio Romano, ka bërë të ditur se marrëveshja mes palëve është gjetur në parim për rreth 40 milionë euro.
Pas ndeshjeve të fundjavës së të dy klubeve, ekipet do të ulen në tavolinën e bisedimeve për të finalizuar akordin dhe më pas Adejemi do të udhëtojë drejt Italisë për vizitat mjekësore dhe firmën në marrëveshjen që do e bëjë atë pjesë të Napolit.
