Trajneri i Manchester Cityt, Pep Guardiola, ka krahasuar me finale ndeshjet kundër Chelseat në Ligën Premier dhe Club Brugge në Ligën e Kampionëve.
City i Guardiolës ka hasur në shumë vështirësi këtë sezon, duke u renditur vetëm në pozitën e pestë në Ligën Premier dhe në pozitën e 25-të në Ligën e Kampionëve.
Ndeshjet e ardhshme të Cityt janë ndaj Chelseat në kampionat dhe Club Brugge në Evropë, ndeshje të cilat Guardiola i ka cilësuar si finale.
“Edhe përkundër problemeve të mëdha që kemi, Chelsea është pranë nesh në renditje”, ka thënë fillimisht Guardiola.
“Java e ardhshme është jashtëzakonisht e rëndësishme për Cityn. Dy ndeshjet e ardhshme janë finale për ne”.
“Tifozët tanë do të na mbështesin për ta kaluar këtë moment”, përfundoi trajneri i Cityt.
