Dinamo zyrtarizon blerjen e dytë në këtë sesion të merkatos.
Klubi blu njofton se ka arritur marrëveshjen me portierin 20-vjeçar Tomas Kiri, i cili që nga dita e sotme është një lojtar i Dinamos.
“Tomas Kiri vishet blu!
FC Dinamo City njofton se ka arritur marrëveshjen me portierin 20-vjeçar, i cili në vazhdim do të jetë pjesë e 18 herë kampionëve.
Kiri vjen nga skuadra e United Riçione, ndërsa më herët në vendin tonë ka qenë pjesë e skuadrave të Kastriotit dhe Tiranës”, shkruhet në njoftimin e klubit.
Më herët këtë muaj Dinamo ka firmosur me Floart Jonuzin, që u largua nga Tirana për tu bashkuar me blutë.
