Bylisi është rikthyer fuqishëm në garë, ku me ardhjen e Nevil Dedes skuadra po “korr” rezultatet pozitive. Ballshiotët janë bërë tashmë një “koçkë” e fortë në Superiore, ku po iu marrin pikë ekipeve pretendente për titullin.
Nëse i hedhim një sy tabelës së klasifikimit shikojmë se në 5 javët e fundit më mirë se Bylisi ka bërë vetëm Vllaznia.
Shkodranët ia kanë dalë të grumbullojnë 12 pikë , 1 më shumë se ballshiotët.
“Djemtë” e Dedes kanë siguruar 3 fitore dhe 2 barazime, kundrejt 4 fitoreve dhe 1 humbje të kuqebluve. Me pikët e grumbulluara në këto 5 javët e fundit, Bylisi lë prapa ekipe si Partizani e Dinamo që bashkëkryesojnë Superioren me nga 37 pikë.
Deri më tani ballshiotët kanë arritur të siguojnë 24 pikë pas 21 javësh. Janë 4 pikë larg vendit të 8-të që të çon në ‘Play-Off” dhe që mbahet nga Laçi. Ndrkohë janë 12 pikë larg Egnatias së vendit të 4-të që të çon në “Final – Four”.
