Teuta është mposhtur në transfertë përballë Skënderbeut, në sfidën e vlefshme për javën e 22 të Superiores.
Kjo ndeshje përfundoi 2-1 në favor të korçarëve. Pas sfidës ka folur Bledar Devolli, trajneri që debutoi sot në stolin e “Djemve të Detit”.
“Besoj së u futëm mirë në ndeshje, patëm qasjen e duhur. Ato 3 seanca që kishim punuar, mendoj se e nisëm mirë, shkoi ndeshja siç e dëshironim.
Një top i gjatë te rasti i faullit.
Kam dyshime për penalltinë, çfarë na thanë miqtë e shokët. Edhe kartoni që u barazuam shpejt në numra. Goli i dytë gabim individual, mbajmë topin në zona të rrezikshme, por jam i kënaqur nga reagimi, patëm rastet tona.
Moment i keq, duhet ta kalojmë sa më shpejt.
Normal që kisha informacion për Teutën, shumë lojtarë i kam stërvitur edhe vetë. Por lojtarët janë të ngarkuar nga ana psikologjike.
Më mbetet mua të punoj nga ana psikologjike dhe taktikisht. Janë gabime individuale që duhet të eliminohen, duke filluar nga kjo javë. Por s’mund të bësh presing 90 minuta, nuk e bën asnjë ekip në botë. Kishte raste që zbrisnim poshtë, raste që luanim ultra-ofensiv. Kjo ishte një pikë morali. Do vazhdojmë punën të përulur, të dalim sa më shpejt nga kjo situatë”, është shprehur Devolli.
