Me të vërtetë ia ka shumëfishuar vlerën vetes.
Ofertat prej miliona eurosh po vijnë radhazi për Mirlind Dakun, edhe pse klubi I tij rus, Rubin, nuk pranon se ka pasur kontakte zyrtare.
Gjithsesi, mediat në Moskë dhe Kazan, shkruajnë për një “trokitje” të dytë në derën e Rubinit, këë herë nga Lens I Francës.
Klubi I elitës franceze ka ofruar 7 milionë euro për kartonin e Dakut, por kjo është hedhur poshtë.
Të njëjtin fat, gjithnjë sipas mediave të kryeqytetit, pati oferta e Lokomotivës moskovite prej 8 milionë eurosh.
Klubi, që zotëron kartonin e sulmuesit kuqezi, pretendon të paktën 12 milionë, ndonëse Mirlindi siç e thamë e ka shumëfishuar vlerën e tij sportive.
Të mos harrojmë se Rubini e mori për 1.2 milionë euro nga Osijeku kroat. Ndërkaq, ka nisur një luftë e ftohtë mes yllit të kombëtares shqiptare dhe drejtuesve, siç ndodh gjithmonë në raste të tilla.
Lajmet nga Rusia janë që Daku refuzon të rinovojë kontratën, e cila skadon në 2026, pra Rubini do të ketë rast të përfitojë diçka prej tij deri në verë.
Sipas mediave, për shërbimet e tij janë interesuar edhe Parma e Kaljari në Itali, Al Kasija në Arabinë Saudite, apo edhe klube në Gjermani. Këtë sezon, sulmuesi 27-vjeçar ka shënuar 9 gola e shërbyer 5 asistë në 19 ndeshje të Premier Ligës ruse.
