Al-Ittihad i Karim Benzema, i udhëhequr në fushën teknike nga ish-sekretari i sportit i Barcelona-s, Ramon Planes, po punon për të siguruar Unai Hernandez, një mesfushor i lindur në vitin 2003, i cili u rrit në akademinë e famshme të të rinjve të Barçës, La Masia.
Talenti i ri, i cili është stërvitur me ekipin e parë nën drejtimin e Xavi-t dhe debutoi në miqësoren kundër Vissel Kobe më 6 qershor 2023, duket gati për të eksploruar horizonte të reja.
Sipas zërave të fundit të raportuara nga AS, kontrata e Unai Hernandez me Barcelona-n do të skadojë në qershor të vitit 2025, por Ramon Planes, i cili e njeh mirë lojtarin që nga koha e tij te Barça, ka nisur negociatat për ta sjellë atë në Arabinë Saudite.
Operacioni nuk është ende i përcaktuar, por duket konkret dhe mund të përmbyllet për një shifër nga 4 deri në 5 milionë euro.
Në moshën 21 vjeç, Hernandez mund të ndiqte shembullin e talenteve të tjerë të rinj spanjollë, si Gabri Veiga, i cili kohët e fundit u zhvendos në Lindjen e Mesme në kërkim të vazhdimësisë dhe hapësirës më të madhe.
Sezonin e kaluar, mesfushori dështoi të luante një rol të rëndësishëm për skuadrën katalanase dhe këtë vit ka parë që lojtarët si Marc Bernal dhe Casado të fitojnë më shumë minuta nën drejtimin e Flick.
Ky skenar mund ta ketë shtyrë Unai Hernandezin të marrë në konsideratë seriozisht ofertën e Al-Ittihad.
