Huazimi i Antony-t te Real Betis është zyrtarizuar.
Sulmuesi brazilian largohet përkohësisht nga Manchester United dhe do t’i bashkohet klubit spanjoll deri në fund të sezonit, por pa asnjë mundësi blerjeje të përfshirë në marrëveshje.
Megjithatë, dalin detaje interesante për marrëveshjen mes dy klubeve.
Sipas raportimeve në shtypin anglez, përfshirë Mirror, Manchester United ka përfshirë një klauzolë që mund të ndikojë në aktivizimin e lojtarit nga Betis.
Klubit spanjoll në fakt do t’i kërkohet të garantojë një rol të rregullt në ekipin e parë për Antony, dhe nëse nuk e bën do të ketë një penalitet financiar.
Më tej, Betis do të kontribuojë ndjeshëm në pagesën e rrogës së brazilianit gjatë qëndrimit të tij në Sevilje.
Pavarësisht mungesës së opsioneve apo detyrimeve për të blerë, Manchester United ka ndërmarrë hapa për të siguruar që Antony të gjejë qëndrueshmëri dhe kohë për të luajtur gjatë kësaj eksperience në La Liga.
Kjo klauzolë përfaqëson një aspekt të veçantë të operacionit, me Djajtë e Kuq që synojnë të ruajnë vlerën e lojtarit në merkato dhe të inkurajojnë rritjen e tij përmes një roli si protagonist te Betis.
