Interi nuk e ka mendjen tek merkato, por tek infermieria.
Trajneri Simone Inzagi vazhdon të pyesë ditë për ditë rreth gjendjes së futbollistëve që janë jashtë dhe shpreson që ndonjëri prej tyre të rikthehet për të dhënë kontribut në këtë periudhë të ngjeshur dhe me shumë ndeshje.Hakan Çalhanoglu është një nga emrat që i ka munguar ekipit zikaltër gjatë kësaj periudhe.
Mesfushori turk po bën gjithçka që të jetë gati për sfidën e javës së ardhshme në derbi kundër Milanit, edhe pse mund të marrë disa minuta kundër Monakos në Ligën e Kampionëve.
Kështu do të ishte në 100% për derbin, i cili është shumë i rëndësishëm dhe zikaltrit do të kërkojnë patjetër të marrin hak sepse vijnë nga 2 humbje radhazi, një në kampionat dhe një në Superkupën e Italisë.
Ndërkohë që sinjalet pozitive i ka dhënë Jan Bisek, i cili me shumë mundësi do të grumbullohet për të ndihmuar ekipin dhe ndoshta për të lënë pak pushim De Vrajin, i cili vjen nga një periudhë e ngarkuar dhe me shumë ndeshje.
Nuk dihet ende e ardhmja e Açerbit, që në fakt është shndërruar në një mister.
Mjekët thonë se nuk ka dëmtim, ndërsa ai vazhdon të ketë frikë për t’u rikthyer në fushën e lojës.
