Milan mori sot një fitore me shumë vuajtje ndaj Parma-s me shifrat 3-2. Kuqezinjtë bënë përmbysjen e madhe në minutat shtesë me Reijnders (92′) dhe Chukwueze (95′).
Ndërkohë, drejtuesit e kuqezinjve janë në përfundim të rregullimit të skuadrës për gjysmën e mbetur të sezonit, duke qenë se java që vjen është edhe afati i fundit i merkatos së janarit, 31 janar.
Mediat italiane raportojnë se te paktën 4 lojtarë do të largohen nga Milan-i javën që vjen. Luka Jovic, sulmuesi serb pritet të transferohet te Monza.
Strahinja Pavlovic po ashtu është drejt largimit. Qendërmbrojtësi serb u kërkua nga Fenerbahce në formë huazimi, por u refuzua nga Milan. Për 23-vjeçarin ka interes të madh nga Stuttgart, të cilët janë të gatshëm të paguajnë 20 milionë euro për serbin.
Edhe pse shënoi golin e fitores sot ndaj Parma-s, Samuel Chukwueze pritet të largohet nga kuqezinjtë. Destinacioni i ri me shumë mundësi do jetë Arabia Saudite, por ende nuk bëhet i ditur ekipi.
I fundit që pritet ta mbyllë me kuqezinjtë është Noah Okafor. Drejtuesit e Milan-it shpresojnë që këtë herë të mos ketë probleme siç ndodh pak ditë më parë kur dështoi transferim te Leipzig.
