Disa lojtarë të Tiranës kanë bërë transferime të mëdha në karrierë pa përdorur trampolinën. Lojtari flamur i bardhebluve është padyshim Ernest Muçi, një aset tani jo vetëm i Tiranës, por i Shqipërisë. Së fundmi bardheblutë kanë njoftuar kalimin e Jordi Jakut që u bashkua me Bologna-n, por fillimisht do të përgatitet te ekipi i moshave.
“Faleminderit Jordi Jaku. KF Tirana njofton transferimin e lojtarit Jordi Jaku në klubin e Seria A, Bologna FC dhe shpreh mirënjohjen për kontributin e lojtarit në kampin bardh e blu. Kjo fanelle do të mbetet gjithmonë shtëpi për ty.
Suksese në rrugëtimin tënd të ri.
Të lumtur që arritëm të nxirrnim në pah cilësitë më të mira të lojtarit që je. KF Tirana mbetet një klub lider për transferimet në bashkëpunim me klubet më të njohura Europiane”, shkruan Tirana.
