Ish-lojtari i Real Madridit, Paul Breitner, gjatë programit “After Foot RMC”, është shprehur mbi blerjen që i mungon Real Madridit për t’u bërë edhe më i kompletuar, nëse kjo është e mundur. Florian Wirtz. “Është lojtari që iu mungon të bardhëve, një lojtar i jashtëzakonshëm. Me të në ekip, Real Madridi do të fitonte 5 Champions në 10 vite”, – ka deklaruar ish-futbollisti gjerman.
Talenti i Bayer Leverkusen, i cili është nën kontratë deri në vitin 2027, është ylli i padiskutueshëm i skuadrës kampione gjermane dhe ndihet plotësisht rehat nën drejtimin e Xabi Alonsos. Performancat e tij në dy vitet e fundit kanë qenë të një lojtari të klasit botëror, me shifra prej 14 golash dhe 11 asistimesh në 30 ndeshje.
Sipas burimeve gjermane, një faktor kyç që mund të ndikojë në qëndrimin e tij në “BayArena” është pikërisht konfirmimi i trajnerit bask, i cili nga ana e tij është lidhur me një kalim të mundshëm te Real Madridi.
Paul Breitner, ish-futbollist gjerman, ka qenë një nga protagonistët e futbollit botëror në vitet ’70 dhe ’80.
Mbrojtës i majtë ose mesfushor, ai e ka lidhur emrin e tij me Bayern Munich dhe Real Madridin, klube me të cilat ka fituar shumë tituj, përfshirë 5 kampionate gjermane, një Kupë të Kampionëve dhe 2 kampionate spanjolle.
Me kombëtaren gjermane ka fituar Kampionatin Europian në vitin 1972 dhe Kupën e Botës në vitin 1974, duke shënuar edhe në finale. Ai është një nga pak lojtarët, së bashku me Vavá, Mbappé, Zidane dhe Pelé, që kanë shënuar në dy finale të ndryshme të Kupës së Botës.
Breitner ka qenë një lojtar eklektik dhe modern, i aftë të mbulojë disa role dhe të kombinojë cilësitë teknike me një temperament të madh. Pas tërheqjes, ai është bërë një opinionist i vlerësuar televiziv.
