“Sky Germany” ka raportuar se Bonifejs, 24 vjeç, është i vendosur për një transferim te klubi i Arabisë Saudite, Al-Nasr, për të luajtur së bashku me Kristiano Ronaldon, për një tarifë transferimi që kalon 50 milionë euro.
Ai ka shënuar 29 gola dhe ka dhënë 11 asistime në 49 ndeshje për klubin, por nuk ka luajtur që nga një dëmtim i muskulaturës në detyrën ndërkombëtare në nëntor.
Sulmuesi i Nigerisë humbi stërvitjen përpara ndeshjes së mërkurës në Ligën e Kampionëve kundër Sparta Pragës.
“Ka diskutime me klubin dhe ne duhet të presim. Ne po përgatitemi pa Boni”, u tha Alonso gazetarëve të martën.
“Do të shohim.
Duhet të presim pak më shumë, por përgatitja jonë është me pjesën tjetër të skuadrës sonë, të cilët janë gati dhe në formë të mirë për momentin.
Është ndeshja e fundit e Champions, rreth kësaj faze dhe ky është fokusi ynë. Sparta di të bëjë keq, prandaj duhet të kemi kujdes. Jam shumë i kënaqur me skuadrën dhe me cilësinë tonë. I bindur se do mbetemi brenda ‘top 8’”, e mbylli Ksabi Alonso.
Vlen të përmendet se te Sparta luajnë katër lojtarë shqiptarë, Tuci, Laçi, Rrahmani dhe Krasniqi.
