Trajneri i Bayer Leverkusenit, Xabi Alonso, i ka bërë një kërkesë personale gjigantëve spanjollë Real Madrid përpara se të pranojë të bëhet trajner i tyre.
Spanjolli ka pohuar se ai do të konsideronte një lëvizje në Santiago Bernabeu vetëm nëse trajneri aktual Carlo Ancelotti largohet nga klubi me mirëkuptim dhe jo të shkarkohet.
Pasi stërviti ekipin B të Real Sociedad në La Liga për tre vjet, Alonso mori rolin e tij të parë të trajnerit kryesor te Leverkusen në 2022.
Edhe pse fillimisht ai dështoi, duke flirtuar shkurtimisht me rënien nga Bundesliga në sezonin 2022-23, sezoni i tij i dytë ishte spektakolar.
Në sezonin 2023-24, ai udhëhoqi Leverkusen drejt një titulli historik pa pësuar asnjë humbje në Bundesliga (28 fitore, 6 barazime).
Ai gjithashtu udhëhoqi skuadrën e tij drejt titullit të Kupës së Gjermanisë dhe finales së Europa League, duke e humbur këtë të fundit 3-0 kundër Atalanta-s.
