Një mbrëmje për t’u harruar për Juventusin, i cili humbi kundër Benfikës që mundi të përfitonte nga gabimet e bardhezinjve.
“Zonja e Vjetër”, asnjëherë realisht në lojë, u largua nën një breshëri kritikash, me një pjesë të mirë të tifozëve që ishin larguar nga stadiumi para fishkëllimës së fundit. Ish-kapiteni Alesandro Del Piero, duke folur për Sky Sport, në fjalimin e tij pas ndeshjes dha një analizë të detajuar të këndvështrimit të tij mbi gjendjen aktuale të Juventusit, i cili mund të përballet me Milanin në “play-off”.
“Le të shpresojmë që Juve dhe Milani të mos ndeshen me njëra-tjetrën dhe që të dy të kalojnë në fazën tjetër.
Disfata e bardhezinjve dhemb pak më shumë se ajo e kuqezinjve. Kishte shumë momente të vështira, sidomos nga pikëpamja psikologjike, ku turma bënte zhurmë si në fund të pjesës së parë, ashtu edhe në fishkëllimën e fundit.
Nuk ka një klimë optimale, ekipi dukej i çorganizuar dhe i pavëmendshëm, por diçka mungon.
Duhet të ndihmohet jo vetëm nga trajneri, por edhe nga klubi, duhet të ketë unitet dhe mbi të gjitha një përpjekje për të planifikuar sa më parë zgjidhjen. Tani ka dy humbje radhazi, nuk kishte ndodhur më parë dhe erdhën në një mënyrë të vështirë. Napoli tregoi se është më mirë se Juventusi”, tha ndër të tjera legjenda bardhezi, Alesandro Del Piero.
