Ka përfunduar sfida mes Teutës dhe Vllaznisë.
Ndeshja e vlefshme për javën e 23-të të Superiores e zhvilluar në stadiumin “Niko Dovana”, është mbyllur me rezultatin 1-3 në favor të shkodranëve. Pas kësaj sfide ka folur trajneri fitues, Thomas Brdariç.
“Si fillim dua të uroj çunat për fitoren. Jam i lumtur që performuam në këtë mënyrë në Durrës, shënuam 3 gola. Fatkeqësisht patëm problem pasi pësuam një gol, por ndodh në futboll. Proçedura që ndoqëm, si e fundit me Egnatian. Kundër rrogozhinasve nuk shënuam, e humbëm atë ndeshje, por besuam në veten tonë.
Kemi një objektiv të qartë si duhet të luajmë futboll dhe si djemtë e implementuan sot. Kur numëroj rastet e sotme mund të kishim shënuar 7 ose 8 gola. Duhet të qëndrojmë me këmbë në tokë dhe të vazhdojmë për javën tjetër.
Mund të jetë e lehtë kur e bën të lehtë. E dimë që Teuta do të luante ndryshe në pjesën e dytë, do na detyronte që të bënim disa gabime. Ne shënuam në kohë perfekte sapo u nis pjesa e dytë, mjaft i bukur goli nga Dodaj. Na ndihmoj që të kishim shtysë dhe rezultatin e mirë. Normal që nuk mundesh të shpëtosh çdo gjë, sidomos në transfertë. Teuta është ekip i fortë, ka probleme në renditje, por prandaj janë të rrezikshëm pasi po luftojnë për çdo mundësi që u vjen. Nuk i lejuam të ktheheshin në lojë, prandaj jam i lumtur me performancën e ekipit.
Krymi mund të luajë në pozicione të ndryshme si shumë lojtarë, si Mala. Kjo është një plus për ne. Mund të luajmë me sisteme të ndryshme. Duhet të kuptojmë që nuk jemi në krye të klasifikimit. Javën e shkuar e patë që nuk ka lidhje sa mirë luan, por duhet të shënosh. Duhet të mbrosh mjaft mirë dhe të kesh një balancë në stilin e lojës. Si e implemtuam sot ishte mjaft mirë. Krymi performoi mjaft mirë sot në qendër të mbrojtjes, por e dimë që ishte një 6 dhe luan si 6.
Për mua, Mala ishte shumë mirë sot. Të mbajmë topin nga një zonë në një zonë tjetër, prandaj bëmë këto ndryshime, pasi e dimë që ka kontributin e tij. Duhet të kemi disa “gps” për të parë sa vrapojnë këta lojtarë. Jam i lumtur me shumicën e lojtarëve, pasi gjithësecili ka dhënë kontribut në këtë fitore”, është shprehur Brdariç/
