Ekipet e Kategorisë së Parë ndryshe nga skuadrat e Superiorjes prej ditësh kanë zhvilluar përgatitjet për ndeshjet e radhës. Kështu java e 22-të e kampionatit do të luhet në fundjavë.
Saktësisht ditën e shtunë do të luhen të gjitha përballjet, ku ekipet do të zbresin në të njëjtën orë, 13:30.
Duele mjaft interesante janë në program dhe që marrin vëmendjen e tifozëve.
Apolonia do të presë në shtëpi Pogradecin, ndërsa Kastrioti do të udhëtojë në transfertë për të sfiduar Korabin. Interesante janë përballjet mes Valbonës – Lushnjes dhe Kukësit – Burrelit.
Padiksutim e gjithë vëmendja do të jetë te sfida e pretendentëve për titullin, ku Flamurtari do të presë Besën e Kavajës.
Pak më të lehtë në letër do ta ketë Vora, e cila pret në shtëpi Erzenin, teksa sfidohen mes tyre dy skajet e tabelës së klasifikimit.
