Pushimit prej afro dy muajsh i erdhi fundi.
Superliga e Kosovës në futboll do të rikthehet këtë javë me ndeshjet e xhiros së 19-të.
Stinori pranveror do të nisë nesër me dy ndeshje, ndërsa dy të tjera do të luhen të shtunën dhe një tjetër të hënën që vjen.
Kampioni aktual, Ballkani do të luajë nesër me Dukagjinin, kurse në të njëjtën kohë do të ballafaqohen Drita me Malishevën.
Të shtunën, Llapi në krizë të rezultateve do të ketë punë me Gjilanin, ndërsa Prishtina do t’i bëjë konak Suharekës.
Të dielën s’do të ketë ndeshje shkaku i zgjedhjeve nacionale në vend, ndërsa kjo xhiro do të mbyllet të hënën me ndeshjen mes Ferizajt dhe Feronikelit.
Të gjitha ndeshjet e xhiros së 19-të do të nisin prej orës 12:00.
Na pret një pranverë mjaft e nxehtë në elitën e futbollit kosovar, si në garën për titull, ashtu edhe në atë për të dalë në Evropë dhe për t’iu shmangur barazhit dhe rënies nga liga.
