Partizani ka nxjerrë në shitje biletat për derbin e kryeqytetit kundër Tiranës. “Demat” do të presin bardheblutë të dielën në orën 13:30.
Tashmë janë publikuar çmimet e biletave që janë 1000 dhe 2500 lekë, ndërsa do të shiten në stadiumin “Selman Stërmasi”.
Po ashtu Partizani ka një thirrje për të qëndruar larg dhunës.
Për tifozërinë e Tiranës është rezervuar vetëm sektori E1.
Njoftimi i Partizanit:
“Stadiumi “Arena e Demave” mirëpret të dielën për herë të parë derbin e kryeqytetit Partizani – Tirana.
Ndeshjen reklamë të futbollit shqiptar presim ta shndërrojmë në një ditë feste të Kryeqytetit dhe të përjetojmë së bashku emocione të cilat i përcjell vetëm një përballje e tillë. Të qëndrojmë larg dhunës e të tregojmë vlerat tona qytetare në një stadium model që i përket një klubi legjendë të historisë së futbollit shqiptar me tifozerinë më të zjarrtë dhe më korrekte. Ne jemi një Familje, Ne jemi Partizani…
Ju njoftojmë se për takimin Partizani – Tirana çmimet e biletave në Tribunat respektive të stadiumit “ARENA E DEMAVE” do të jenë:
Biletat në Tribunat Qëndrore: A dhe B do të kushtojnë 2 500 Lekë
Biletat në Tribunat përballë:
E1, D3 , D2 , D1, C1, C2, C3 do të kushtojnë 1 000 Lekë
Sektori i rezervuar për tifozerinë e Tiranës do të jetë Tribuna E1.
Biletat mund ti siguroni nga dita e premte pranë pikës së shitjes të stadiumit ‘Selman Stërmasi’ çdo ditë 10:00 – 18:00″.
