Premier League nuk e përtyp dot formatin e ri të Botërorit të klubeve që ka përgatitur FIFA. Madje, e ka akuzuar shtëpinë e futbollit se ka shkuar shumë larg me ekzagjerimet që ka bërë me këtë projekt.
Turneu do të zhvillohet nga data 15 qershor deri më 13 korrik. Shefi i futbollit në ishullin britanik, Tony Scholes, ka dhënë një koment shumë pikant për këtë temë:
“Ky është një format që po na imponohet, sidomos nga FIFA. Nuk mund ta realizojmë ashtu. Kalendari është i ngjeshur edhe tani, imagjinoni kur shtohet Botërori”.
“Guardiola ka kërkuar të shtyhet nisja e sezonit? Jo! Ne nuk mund ta lejojmë vonesën. Pse do të rregullonim konkurrencën tonë, kur FIFA ka imponuar një turne që nuk e pëlqejmë?”
“UEFA ka shtuar ndeshje në fazat e grupeve të Champions League dhe Europa League. Pra, kalendari është shtrirë aq sa mundet. Ka shkuar shumë larg, madje”.
